27.08.2013
Stjórnarfundur deildar íslenska fjárhundsins
Þriðjudagur 27.
ágúst 2013
kl: 18:00 – Skrifstofa HRFÍ
Mættir eru:
Guðríður Þorbjörg Valgeirsdóttir – formaður
Rúnar Tryggvason – gjaldkeri
Linda Björk Jónsdóttir – ritari
Helga Andrésdóttir
Þorsteinn Thorsteinson – tengiliður HRFÍ
1. Úr fundargerð síðasta fundar
Skuld HRFÍ við ISIC.
Reikningur sem HRFÍ hefur skuldað ISIC um nokkurn tíma hefur verið greiddur.
Genarannsókn á íslenskum fjárhundum.
Ákveðið að hafa samband við Helgu Finnsdóttir dýralækni til að kanna hversu
margir hundar hafa núþegar mætt í blóðprufur til hennar, einnig þakka henni
fyrir aðstoðina sem hún hefur veitt deildinni bæði vegna erfðarannsóknarinnar
og að vera dýralæknir
deildarsýningarinnar án endurgjalds.
2. Uppgjör deildarsýningar 13. Júlí 2013
Allir sammála um að sýningin heppnaðist mjög vel og var niðurstaða úr uppgjöri
sú að tap af deildarsýningunni var -19.731 kr.
3. Dagatalið 2014
Deildin hefur keypt
strikamerki sem mun auka markaðsmöguleika dagatalsins. Stefnt er á að kanna
hvort verslanir séu tilbúnar að taka dagatalið í sölu.
Ákveðið að stefna að útgáfu dagatalsins 2015 fyrr næsta árs þar sem það eykur líkur á sölu þess
í verslunum.
Samþykkt að verð fyrir auglýsingar verði það sama og síðasta ár
þ.e. hálfur borði: 33 þúsund / heill borði: 66 þúsund.
Rætt um fjölda dagatala sem auglýsendur fá fyrir keypta auglýsingu. Núverandi
fyrirkomulag er þannig að fyrir hverja keypta auglýsingu fá kaupendur:
hálfur borði = 50 dagatöl / heill borði 100 dagatöl.
Rætt um að gefa fyrirtækjum val hvort þeir fái dagatölin eða ekki.
Ákveðið að upplag ársins 2014 verði 1800 dagatöl.
4. Upplýsingar úr vinnuprófum á vefsíðu DÍF
Rætt hvort möguleiki sé að birta niðurstöður úr vinnuprófum inn á vefsíðu
deildarinnar.
Ákveðið að Rúnar Tryggvason og Monika D. Karlsdóttir safni upplýsingum um hlýðni
og hundafimi einnig kanna hvort Þórhildur Bjartmarz geti séð um að senda
deildinni upplýsingar úr spori.
5. Erendi frá Þórhildi Bjartmarz. (Fylgiskjal:
___ )
Erendið rætt en ákveðið að það gefist ekki tími fyrir þetta núna en stefnt
er að félagsfundi í október með Guðrúnu Gudjonsen eins og hefur verið á
skipulaginu áður.
6. Ræktunardómar ísl. fjárhunda Guðrún Guðjónsen
Guðrún hefur samþykkt að ræktunardæma íslenska fjárhunda og hefur áhuga á að fræða
dómaranema um íslenskan fjárhund.
Hver og einn hundur myndi fá ítarlega umsögn um byggingu og útlit þó án þess að
gefin sé einkunn né hundum sé raðað í sæti.
Rætt um gjaldtöku fyrir ræktunardóminn og ákveðið að kanna möguleika á að leiga
posa.
7. Tilnefning DÍF til afrekshunds HRFÍ 2013
Samþykkt að DÍF tilnefni RW-13 ISCh OB-1
Stefsstells Skrúð sem afrekshund ársins til HRFÍ.
8. Göngunefnd
Ákveðið að hafa samband við nokkra aðila innan deildarinnar og kanna hvort möguleiki
sé á að stofna virka göngunefnd.
9. Bréf frá félagsmanni vegna
ættbókaskráningar. (Fylgiskjal: ___ )
Unnið að málinu, ákvörðun
tekin síðar.
10. Starfsfólk sýningar HRFÍ 7.- 8 . september
Hringt var í félagsmenn
til að kanna möguleikann á að fá starfsfólk á sýningu HRFÍ í dyravörslu,
miðasölu og fleira þar sem komið er að DÍF að manna slík störf á sýningu HRFÍ.
Mjög vel gekk að manna stöður og jákvætt viðhorf var áberandi meðal félagsmanna
sem voru beðnir um að aðstoða deildina.
11. Deildarsýning 2014
Samþykkt að sækja um deildarsýningu til HRFÍ og kanna hvort Retriverdeildin
hafi áhuga á að vera með í að fá dómarann Eivind Mjærum til landsins þar sem
hann hefur samþykkt að dæma tvo daga í röð.
12. Önnur mál
Ljósmyndari sýningar
Deildin hefur áhuga á að eiga myndir af öllum sýndum hundum eftir hverja
sýningu bæði hjá DÍF og HRFÍ. Þess vegna er rætt um að kanna möguleikann á að
fá áhugaljósmyndara sem sér um að mynda alla sýnda hunda.
Verðlaunagripur frá Ulvdalens ræktun.
Farandverðlaunagripur sem Ulvdalens ræktun í Svíþjóð gaf til afhendingar til
stigahæsta íslenska fjárhund ársins af sýningunum HRFI og DÍF er kominn í
leitirnar.
Finna þarf út hvaða ár gripurinn var fyrst afhentur og láta áletra nöfn hunda
sem hafa verið stigahæstir síðan þá.
Fundi slitið 22:30, Linda Björk
Jónsdóttir - ritari