11.06.2020
Ársskýrsla lögð fram á ársfundi deildarinnar þann 11. júní 2020
Stjórn díf
Stefanía Sigurðardóttir, formaður
Hrefna Sigfúsdóttir, ritari
Ragnhildur Sigurðardóttir, gjaldkeri
Helga Andrésdóttir, meðstjórnandi
Guðný Halla Gunnlaugsdóttir, meðstjórnandi
Tengiliður stjórnar HRFÍ er Guðríður Þ. Valgeirsdóttir
Ræktunarráð
Helga Andrésdóttir
Ragnhildur Sigurðardóttir
Stefanía Sigurðardóttir
uuuttt
Dagatalsnefnd
Stefanía H. Sigurðardóttir
Ágúst Ágústsson
Bikaranefnd
Jóninna Hjartardóttir
Kristín P. Birgisdóttir
Stefanía Sigurðardóttir
Umsjón með starfshópi. Dagur íslenska fjárhundsins -18. júlí
Þórhildur Bjartmarz
Data-responsible fyrir gagnagrunn ISIC
Guðni Ágústsson
Umsjón með heimasíðu deildarinnar
Stefanía Sigurðardóttir
Hönnuður síðu og vefumsjón
Linda Björk Jónsdóttir
Stjórnarfundir
Ársfundur 2019 var haldinn 27. febrúar á skrifstofu HRFÍ, Síðumúla 15. Á þessum fundi hætti Arna Rúnarsdóttir eftir eitt ár í starfi í stjórn díf og í hennar stað kom Ragnhildur Sigurðardóttir. Stefanía Sigurðardóttir og Hrefna Sigfúsdóttir voru endurkjörnar. Stjórnarfundir á árinu voru 11 talsins, á tímabilinu 7. feb. -4. des. og eru fundargerðir allar aðgengilegar á heimasíðu.
Ræktunarráð
Sýnataka fór vel af stað hjá okkur í DNA rannsókn sem unnin er með Animal Health Trust, en hún miðast að leit að því geni sem orsakar Post. Pol. Cataract. Einungis er eftir að ná sýni úr einum sýktum hundi og beðið er eftir opnun í Bretlandi svo unnt sé að skoða hvort fleiri sýni kunni að vanta og þá aðeins úr heilbrigðum hundum. Á Íslandi eru nú fjórir sýktir hundar með þessa greiningu ( post. pol. cataract ) og eru þrjú sýni farin af stað, einn bíður sýnatöku.
Stjórn
og ræktunarráð hefur vaxandi áhyggjur af auknum geldingum á ungum rökkum í
landinu og af upplýsingaskorti um frjóa íslenska fjárhunda á ræktunaraldri.
Stjórn samþykkti beiðni frá ræktunarráði díf á
stjórnarfundi sínum þann 4.des. 2019 að
það yrði
farið af stað með verkefni til þess að kortleggja stofnstærð íslenska fjárhundsins á Íslandi í samvinnu við HRFÍ, þar sem séð verði til þess að erfðaefni hundsins muni varðveitast til framtíðar. Stjórn samþykkti að Ragnhildur Sigurðardóttir verði verkefnastjóri þessa verkefnis.
Viðurkenning FCI ættbóka frá Íslandi hjá kanadíska CKC. En þar eru ættbækur viðurkenndar frá öllum öðrum aðildarfélögum innan FCI, nema frá HRFÍ. Stjórnarsamþykkt er fyrir því að skrifa stjórn HRFÍ bréf með beiðni um að félagið hefji viðræður við kanadíska klúbbinn um að ættbækur frá Íslandi fáist viðurkenndar. ( 4. des. 2019 ).
Við viljum enn vekja athygli á að augnskoðun sem framkvæmd er eftir 7 ára aldur gildir ævilangt að því tilskyldu að undaneldishundur hafi tvisvar áður verið augnskoðaður án athugasemda eða augnsjúkdóma, (sbr. beiðni frá díf 15.01.2018). Höldum við um þá rakka og tíkur sem hafa ævilanga augnskoðun á þar til gerðum lista sem bíður birtingar á heimasíðunni.
www.dif.is er aðalsíða deildarinnar
Þar má finna gagnagrunn díf, og hvetur stjórn alla eigendur og ræktendur íslenskra fjárhunda að senda okkur inn myndir fyrir gagnagrunninn á netfangið vefur@dif.is Heimasíðan heldur úti lifandi síðu yfir heilbrigði, sýningarúrslit, þjónustar hvolpalista fyrir ræktendur og margt fleira.
Öll erindi til stjórnar óskast send á stjórnarpóst stjorn@dif.is eða til einstakra stjórnarmanna.
Ræktun
Á árinu 2019 voru 29 got skráð og 130 íslenskir hvolpar ættbókarfærðir hjá HRFÍ, meðaltal 4.48 hvolpur per got. Til samanburðar voru 33 got skráð árið 2018 og 146 hvolpar ættbókarfærðir þá sem var jafnframt metár í ræktun íslenskra fjárhunda. Einn rakki var fluttur til landsins frá Svíþjóð á árinu 2019.
Heilbrigði
36 hundar fóru í mjaðmamyndatöku 2019
A – 22 hundar
B – 8 hundar
C – 5 hundar
D – 1 hundar
E – enginn
HRFÍ stóð fyrir fjórum augnskoðunum á árinu 2019, í feb., maí, sept., og nóv.
90 hundar fóru í augnskoðun og þar af 84 hundar án athugasemda.
Greind tilfelli voru 6, og eru með eftirfarandi athugasemdir :
6 hundar með PHTVL/PHPV Grad 1
Dagur íslenska hundsins
18. júlí 2019 var haldinn hátíðlegur að venju. Á 40 ára afmælisári var hann kynntur vel með myndum og auglýsingum þar sem Íslandshundavinurinn og fyrrum forsetafrú Dorrit Moussaieff sat fyrir með nokkrum af stigahæstu hundum díf 2019. Þetta vakti athygli og viðtöl fylgdu í kjölfarið við Stefaníu Sigurðardóttur formann díf og Þórhildi Bjartmarz fyrrum formann HRFÍ sem er í forsvari fyrir deginum.
Þjóðarhundurinn í Árbæjarsafni
var vel skipulögð kynning af starfshópnum þar sem Stefanía var fengin til að gefa
góða lýsingu á öllum helsu litaafbrigðum íslenska fjárhundsins og litarheitunum
hans. Í góðu veðri tókst vel til og streymdi fólk að og hundarnir stóðu sig
vel. Eftir kynninguna gerðu eigendur íslenskra hunda sig og sína hunda sýninlega
víða um land.
ISIC
Dagana 26. og 27. október hélt ISIC sína 24. ráðstefnu í Skálholti. Stefanía fundaði í formannahópnum ásamt
Guðríði tengilið Íslands sem einnig situr í framkvæmdarnefnd ISIC. Ragnhildur
og Helga funduðu í ræktunarhópnum. Herdís Hallmarsdóttir var fundarstjóri.
Fyrirlesarar á opinni dagskrá
ISIC 2019 voru Dr. Ragnhildur Sigurðardóttir frá díf og Pieter Oliehoek frá ráðgjafafyrirtæki
sínu í Hollandi sem heitir Dogs Global. Pieter kynnti þjónustu fyrirtækisins og
svaraði ýmsum fyrirspurnum gesta. Ragnhildur kynnti rannsóknarverkefni díf sem
þá var í undirbúningi og varðar það rannsókn á stofnstærð íslenska fjárhundsins
og verndun erfðafjölbreytileika hans.
Dogs Global hefur áhuga á að yfirtaka gagnagrunn ISIC og selja aðildafélögum þess sína þjónustu. Þrátt fyrir að hugsanlegur samningur milli ISIC og Dogs Global hafi ekki verið boðaður á dagskrá ISIC fundarins þá reyndi framkvæmdastjórn ISIC að þrýsta því í gegn á fundinum.
Dogs Global hefur verið afhentur aðgangur að ISIC gagnagrunninum og verði samningur staðfestur við fyrirtækið mun ISIC gagnagrunnurinn vera felldur niður og ræktendur svo og allt áhugafólk um íslenskan fjárhund mun þá þurfa að greiða fyrir aðgang og upplýsingar, að frátöldu mjög einföldu viðmóti, hjá þessu hollenska fyrirtæki.
Svo virtist sem að meirihluti fulltrúa annara aðildalanda ISIC á þessu þingi hafi verið hlynntur því að ganga til samninga en endanlegt samkomulag strandaði þó einnig á því að enginn samningur var tilbúinn. Að hálfu Íslands var ekki eining um að ganga í þessa samninga.
Almenn ánægja var um fundarstaðinn og utanumhald ráðstefnunnar og aðstæður allar í Skálholti. Veður var fallegt og ekki skemmdu norðurljósasýningarnar sem birtust bæði kvöldin.
Sameiginlegur afmæliskvöldverður og boðsdinner ISIC fulltrúa hjá díf var auglýstur og opinn öllum félagsmönnum. Eftir vel heppnaða helgi var ljúft að setjast niður og eiga góða kvöldstund. Kynnisferðir sóttu ráðstefnugesti í Skálholt að lokinni ráðstefnu og var farin skoðunarferð um Suðurland og Reykjanes með viðkomu á Ólafsvöllum á afmælisdeginum þar sem frú Sigríðar Pétursdóttur var minnst. Í garðinum var falleg athöfn þar sem allir tókust í hendur og Stefanía færði gestum gjöf frá díf í tiefni 40 ára afmælis. Það er barmnæla sem er til í takmörkuðu magni og til sölu hjá díf á kr. 1.500.- Rútubílstjóri Kynnisferða stóð sig afar vel og farstjórn hans
frábær, til gaman má geta að sá ágæti maður er sonur stjórnarkonunnar Helgu Andrésdóttur. Erlendu gestirnir okkar gistu flestir í Keflavík síðustu nóttina og fór því afar vel á því að hafa afmælishófið á veitingastaðnum Vitanum í Sandgerði.
Bikaranefnd
Nefndin fundaði fjórum sinnum á árinu, auk ferða sinna vegna bikara. Nýjar starfsreglur stjórnar taka gildi í upphafi sýningaárs 2020 varðandi umgengni á farandbikurum díf á HRFÍ sýningum. Vegna slælegra skila á bikurum í eigu DÍF undanfarin ár hefur stjórn ákveðið að frá og með 01.01.2020 verði bikurum skilað strax eftir verðlaunaafhendingu og myndatöku og þeir hafðir í vörslu bikaranefndar á milli ára. Stjórnarsamþykkt frá 21.06.2019.
Biðjum
við handhafa farandbikara díf að ganga ávallt vel um gripina.
Bestu þakkir til þeirra ræktenda sem hafa gefið verlaun í hvolpaflokkana á sýningum ársins.
Stefsstells ræktun
Kirkjufells ræktun
Smalaskála ræktun
Dranga ræktun
Stjörnuljósa ræktun
Laufeyjar ræktun
Gerplu ræktun
Færum við Soffíu í Dýrheimum sérstakar þakkir fyrir verðmætan stuðning við starf okkar á árinu.
Dagatalsnefnd
Dagatal díf kom út í desember og er þetta í 23. skiptið. Upplagið var 1.200 eintök og Oddi sá um prentun. Auglýsingasala gekk vel og ræktendum boðið óbreytt verð sem er hálfur renningur á kr. 35.000 og heill á kr. 70.000.- Afhent eru 25 stk. með hálfum renning og 50 stk. með heilum.
Ath., hægt er að senda inn góða mynd, eða myndir allt árið um kring á netfang dagatalsnefndar, dagatal@dif.is eða til stjórnar stjorn@dif.is Saman tryggjum við áframhaldandi útgáfu.
Eldri dagatöl hafa verið gefin á kynningum, s.s. í Garðheimum, þar sem díf tekur þátt í Stórhundadögum Garðheima.
Sýningar 2019
Díf var með sérsýningu á árinu. Deildarsýning í Ölfushöll, Ingólfshvoli þann 19. maí 2019 Dómari sýningar var Rony Doedijns frá Hollandi. 56 hundar voru skráðir til dóms.
Í aðdraganda sýningar voru sýningaþjálfanir vikulega, frá 19. apríl – 16. maí á Selfossi og í Rvk. Bikaranefnd hafði frumkvæði að því að hóa saman því dugnaðarfólki sem hafði áhuga á að aðstoða við undirbúning sýningarinnar og var öllu fylgt vel eftir á sýningunni.
Hringstjóri sýningar var Soffía Kwaszenko. Hringstjóri í collecthring var
Stefanía H. Sigurðardóttir
Ritari sýningar var Sara María Jóhannsdóttir
Sýningastjóri og þulur sýningar : Ragnhildur Sigurðardóttir
Ljósmyndari sýningar : Ágúst Ágústsson
BESTI HUNDUR SÝNINGAR - Stefsstells Dranga Komma IS23303/17
BESTI HUNDUR SÝNINGAR AF GAGNSTÆÐU KYNI - ISCh ISJCh RW-17 Sunnusteins Einir IS21764/16
Stefsstells Dranga Komma er ræktuð af Stefaníu Sigurðardóttur og er í eigu Hrefnu Sigfúsdóttur og Ágústar Ágústssonar. Sýnendur hennar voru Linda Björk Jónsd. og Sigurður Edgar Andersen.
BESTI ÖLDUNGUR SÝNINGAR – Dranga Húnbogi IS14769/10
BESTI UNGLIÐI SÝNINGAR – Kolsholts Þengill IS25318/18
BESTI hvolpur sýningar : Sunnusteins Kötlugígur
BESTA ungviði sýningar : Píla frá Ólafsvöllum
BESTI AFKVÆMAHÓPUR SÝNINGAR : Stjörnuljósa Pálfríður IS17444/12 með afkvæmum
BESTI RÆKTUNARHÓPUR SÝNINGAR : Laufeyjar ræktun
____________________________________
HRFÍ stóð fyrir sex
hundasýningum á árinu 2019 og díf félagar komu að frágangi ágústsýninga. Seinni
afmælissýning HRFÍ þá sýningahelgi endaði ógleymanlega á BIS sigri ISCh
ISJCh NLM RW-17 Sunnusteins Einis. Varð hann Besti hundur sýningar þann
25. ágúst 2019. Ræktandi hans er Þorsteinn Thorsteinson. Eigandi og sýnandi
Linda Björk Jónsdóttir. Dómari : Karl
Erik Johansson Þá var það móðir Einis sem sló taktinn í BIS hringnum deginum
áður. Varð Sunnusteins Árdís Besti öldungur sýningar þann 24. ágúst 2019 á
Víðistaðatúni, Hafnarfirði.
Á WinterWonderland sýningu HRFÍ áttum
við annan BIS fulltrúa, Laufeyjar Álfgrímur sigraði þá sýningu. Varð
hann Besti hundur sýningar þann 24. nóv. 2019. Ræktandi hans og eigandi er Linda Laufey
Bragadóttir. Sýnandi Fanney Rún Ólafsdóttir. Dómari : Kurt Nilsson
Stórglæsileg framganga
íslenskra fjárhunda á síðasta sýningaári á fallegum sýningum Díf og HRFÍ Sömuleiðis
er það okkur heiður að hafa getað boðið upp á jafn virtan dómara á afmælisári.
Stigahæstu hundar og stigahæsti ræktandi ársins hjá díf 2019
Stigahæsti hundur ársins, þriðja árið í röð er Sunnusteins Einir -2017 -2018 -2019 Stigahæsti hundur ársins af gagnstæðu kyni er Stefsstells Dranga Komma
Stigahæsti öldungur ársins er Sunnusteins Árdís
Stigahæsti öldungur ársins af gagnstæðu kyni er Arnarstaða Nagli
Stigahæsti ræktunarhundur ársins fyrir afkvæmahóp er Stjörnuljósa Pálfríður 4 stig
Stigahæsti ræktandi ársins er Stefanía Sigurðardóttir / Stefsstells ræktun 8 stig
1. C.I.B. ISCh ISJCh NLM RW-17 Sunnusteins Einir -66 stig
2. ISCh ISJCh RW-19 Laufeyjar Sigurskúfur Frá Dverghamri -31 stig
3. ISCh Laufeyjar Álfgrímur -25 stig
4. ISCh ISJCh Snætinda Klettur -6 stig
1. ISCh Stefsstells Dranga Komma -20 stig
2. ISCh ISJCh RW-18 Stemma Rektorsdóttir frá Ólafsvöllum -15 stig
3. ISJCh Snætinda Íslandssól á Gjósku -14 stig
4. ISCh RW-17 RW-19 Fagrahvamms Ásynja -12 stig
1. ISVetCh ISCh RW-15 Sunnusteins Árdís -51 stig
2. ISVetCh C.I.B. ISCh RW-14 RW-16 Arnarstaða Nagli -25 stig
3. Dranga Húnbogi -6 stig
4. Leiru Eva -3 stig
Deildin mun veita viðurkenningar og heiðra einstaka persónur og hunda ársins 2019
C.I.B. - Alþjóðlegur meistari á árinu 2019
Sunnusteins Einir
Laufeyjar Sunna
ISCh - Íslenskur meistari á árinu 2019
Stefsstells Dranga Komma
Laufeyjar Sigurskúfur Frá Dverghamri
Laufeyjar Álfgrímur
Snætinda Klettur
ISJCh - Ungliðameistari á árinu 2019
Kolsholts Þengill
Stjörnuljósa Skarta
ISVetCh – Öldungameistari á árinu 2019
Sunnusteins Árdís
Arnarstaða Nagli
NLM – Norðurljósameistari á árinu 2019
Sunnusteins Einir
Nýr íslenskur sýningadómari á íslenskan fjárhund :
Þorbjörg Ásta Leifsdóttir
Breytingar á stigagjöf díf tóku gildi fyrir sýningaárið 2019 eins og fram hefur komið í síðustu fundargerð ársins 2018. Er um að ræða breytingar fyrir deildarsýningar sem eru eftirfarandi : Besti rakki/tík, 1.sæti 7 stig, 2.sæti 6 stig, 3.sæti 5 stig, 4.sæti 4 stig., BISS 2 stig (til viðbótar), alls 9 stig. BOSS 1 stig (til viðbótar), alls 8 stig. Besti öldungur sýningar 6 stig, Besti öldungur af gagnstæðu kyni 5 stig, besti öldungur rakki/ tík, 1. sæti 5 stig, 2.sæti 4 stig, 3. sæti 3 stig og 4. sæti 2 stig. Ræktunar- og afkvæmahópar : 1. sæti 4 stig, 2.sæti 3 stig, 3 sæti 2 stig, 4. sæti 1 stig., í hópum er engin breyting á fjölda stiga, breytingin hér er sú að þessi stig eru líka veitt fyrir afkvæmahópa með heiðursverðlaun á deildarsýningu, var áður aðeins fyrir ræktunarhópa. Samræmi aukið í stigafjölda.
Stefnt er að því að sækja um deildarsýningu fyrir árið 2021
Fyrir hönd stjórnar minnar vil ég þakka samfylgdina á viðburðarríku fertugasta afmælisári deildarinnar með ykkur, á flottu starfsári stjórnar díf 2019
11. júní 2020
________________________________________________
Stefanía Sigurðardóttir formaður